लस एन्जलस । विश्वचर्चित गायिका तथा गीतकार लेडी गागा पहिलोपटक आमा बनेकी छन् । उनले फियन्से तथा व्यवसायी माइकल पोलान्स्कीसँग पहिलो सन्तानलाई स्वागत गरेकी हुन् । दुवैलाई पहिलोपटक बच्चासँगै सार्वजनिक स्थानमा देखिएको छ ।
भाइरल भइरहेका तस्बिरमा ४० वर्षीया गागा उत्तरी क्यालिफोर्नियामा पोलान्स्कीसँग हिँडिरहेको देखिएकी छन् । तस्बिरमा उनले बच्चालाई छातीमा टाँसेर बोकेकी छन् ।
गागा र पोलान्स्कीले अझै विवाह गरेका छैनन् । उनीहरूले सन् २०२४ मा इन्गेजमेन्ट गरेका थिए भने सन् २०१९ देखि सम्बन्धमा छन् । पछिल्लो समय उनीहरूले गोप्य रूपमा विवाह गरेको चर्चा चलेको थियो । तर उनीहरू निकट स्रोतले पछि दुवैको इन्गेजमेन्ट मात्र भएको र विवाह नभएको पुष्टि गरेका थिए ।